🔍
الدحيح | السبب؟ (Correlation-Causation Fallacy) - YouTube
Channel: Da7ee7 - الدحيح
[0]
أعزائي المشاهدين،
[0]
السلام عليكم ورحمة الله وبركاته.
[1]
أهلًا بكم في حلقة جديدة، برنامج الدحيح.
[4]
يوم 23 نوفمبر، اسرائيل ولعت.
[7]
الحكومة تخلي أكتر من 50 ألف مواطن،
[9]
و55 شخص يدخل المستشفى.
[11]
ويتقبض بعدها على 8 أشخاص.
[13]
والدنيا زي ما تقول كدا "اتقلبت".
[15]
وانتشر على السوشيال ميديا #اسرائيل_تحترق.
[17]
بعد حادثة زي دي،
[19]
كان السؤال في مخ المواطن العربي:
[21]
"ليه حاجة زي كدا حصلت؟"
[23]
"الحريق ده معناه إيه؟"
[25]
"هل في رسالة معينة من الحريق ده؟"
[27]
الكلام ده مهم خاصةً لأن قبلها بكام أسبوع
[29]
الحكومة كانت منعت الأذان.
[31]
تفتكر ده ممكن يكون السبب؟ يمنعوا النداء للصلاة؟!
[33]
هل ممكن الحريقة،
[35]
أو الولعة دي تكون من غضب إلهي؛
[37]
علشان الفعل الشنيع اللي عملوه؟
[39]
يمنعوا النداء للصلاة؟!
[39]
المهم إن ناس كتير استنتجت،
[41]
إن في علاقة ما بين منع الأذان،
[43]
والحرايق اللي حصلت.
[44]
ناس كتير استنتجت، إن في علاقة "سببية".
[47]
بتربط منع الأذان،
[49]
بالحريق اللي حصل.
[50]
الكلام ده صح ولا ولأ؟
[51]
صراحةً مانعرفش.
[52]
بس نعرف غلطة شنيعة
[53]
مشهورة جدًا في علم الإقتصاد.
[55]
أو يعني بمعنى أصح:
[56]
في أي علم فيه إحصائيات.
[58]
وخليني أحكيلك...
[59]
في قصة في الفلكلور الروسي،
[60]
الملك كان عايز يقضي على المرض
[62]
اللي بيقتل في شعبه.
[63]
المهم، جمع مجموعة
[64]
من أنبه العقلاء على مستوى البلد.
[67]
علشان يقعدوا ويعرفوا
[68]
"إيه ممكن يكون سبب هذا المرض القاتل؟"
[70]
وقعدوا، وحطوا الخرايط كدا قدامهم.
[73]
وكل واحد بدأ يفكر،
[74]
ينظر للخريطة، ويفكر:
[76]
"إيه ممكن يكون سبب هذا المرض؟"
[77]
المهم أحد الجهابذة
[79]
من الناس اللي كانت قاعدة
[80]
لاحظ حاجة غريبة جدًا،
[82]
لاحظ أن المكان اللي فيه دكاترة كتير،
[84]
فيه مرضى كتير.
[87]
وبكدا..
[88]
ممكن يكون..
[89]
قدر يحل اللغز.
[91]
الملك لما سمع الكلام ده، ما صدقش.
[92]
جيه بص على الخريطة، لاحظ نفس الملاحظة.
[94]
المكان اللي فيه دكاترة كتير، فيه برضو مرضى كتير.
[97]
إذًا، تفتكر الدكاترة هم يكونوا سبب المرض؟
[100]
الملك استنتج كدا، وأمر بقتل كل الدكاترة.
[102]
...
[103]
عمومًا لو حاسس إن المنطق ده سليم،
[104]
أحب أقوللك إن دي مشكلة، دي كارثة كبيرة.
[106]
طبيعي جدًا إن المكان اللي فيه مرضى كتير، يبقى فيه دكاترة كتير.
[109]
You are mixing correlation with causation.
[110]
هفهّمك بعدين.
[111]
بس correlation يعني في حاجتين بيحصلوا مع بعض.
[113]
مثلًا كل ما حاجة تحصل، حاجة تانية تحصل.
[115]
ده مش معناه بالضرورة
[117]
إن العلاقة اللي بتربطهم ببعض علاقة سببية.
[119]
مش معنى إنها "واحدة سبب التانية".
[121]
إن انت تقول إن حاجة معينة سبب حاجة تانية،
[123]
دي عملية في غاية الصعوبة.
[125]
ولو حاسس إن الكلام ده
[126]
انت مش فاهم حاجة، أو إنه كلام تافه جدًا.
[128]
فأحب أقوللك لأ يا حبيبي،
[129]
ده في ناس كتير بتقع في هذه الغلطة المهببة بستين نيلة.
[132]
عندك شرطة نيويورك في التسعينات،
[133]
قبل التسعينات نسبة الجرايم في المدينة كانت مرتفعة بشكل غير طبيعي.
[138]
وكان على مدار تقريبًا ال15، 20 سنة اللي فاتوا
[140]
نسبة الجرايم ارتفعت تقريبًا 80%
[142]
فانت عندك كارثة يعني، والنسبة عمالة تزيد.
[144]
وجميع المحللين عمالين يعني يبشروا إن النسبة دي هتفضل تعلى أكتر.
[147]
وإذ بحاجة في منتهى الغرابة، بعد 1990
[150]
النسبة دي فضلت تقل بشكل غير طبيعي.
[153]
لحد ما رجعت في أقل من عشر سنين،
[155]
لنفس النسبة اللي كانت بتحصل من 40 سنة.
[159]
فانت كان عندك جرايم عمالة ترتفع وترتفع، وفجأة في التسعينات
[161]
تنزل نازلة لما كانت 40 سنة فاتوا.
[164]
المهم طبعًا الصحافة والإعلام لما سمعوا عن حاجة كدا،
[166]
بدأ يحلل. وكان أغلبية المحللين شايفين
[168]
إن سبب نقص معدل الجريمة،
[171]
كان إن الشرطة عمالة بتزيد.
[173]
بس هنا طبعًا هم غلطوا في نفس الغلطة اللي تقريبًا الملك* وقع فيها
[176]
هو طبيعي علشان الجريمة كانت بترتفع الشرطة كانت بترتفع.
[180]
بس هل ده معناه إن الشرطة هي السبب في تقليل الجريمة؟
[183]
واكتشفوا بعد كدا إن السبب ملهوش إي علاقة بالشرطة يعني.
[186]
هو طبعًا ممكن يكون له علاقة نوعًا ما،
[188]
بس أهم سبب، يعني وأنا عارف إنك ممكن تتفاجئ من حاجة زي كدا، بس كان "الإجهاض".
[192]
على حسب كلام ستيفين ليفيت ودونهيو في إيكونوميك.
[194]
ما علينا، مش عايز أحرقها..
[195]
بس يعني غالبًا هيبقى عليها حلقة يعني صراحةً؛
[197]
لأن الدراسة ممتعة.
[198]
يروح كذا ولاية، ويشوف امتى اتطبق قانون الإجهاض، وبعدها نسبة الجريمة كانت عاملة إزاي.
[202]
ما علينا يعني، بس فكرة جميلة.
[204]
المهم اللي عايز أوصله في الآخر،
[205]
إن فكرة السببية دي، فكرة صعبة جدًا.
[207]
أن انت تقول إن في حاجة معينة سبب حاجة، صعب جدًا.
[210]
خاصةً إحنا لما نقول إن في حاجة سبب حاجة تانية،
[213]
غالبًا ده معتمد على حاجات..
[214]
observational.
[215]
على حاجات إحنا شوفناها.
[216]
لكن العلماء مثلًا لما تيجي تروح لعالم في المعمل،
[218]
لما تيجي مثلًا تروح لعالم في المعمل
[220]
مايقوللكش:
[220]
"إحنا كل ما حاجة معينة بتزيد، الحاجة دي بتزيد، يبقى خلاص إحنا عملنا نظرية". ونديها للكتب والعيال تذاكرها.
[225]
في عندنا حاجة اسمها
[226]
Control Experiment.
[227]
علشان نتأكد ونقدر نحافظ إن العامل المعين ده هو السبب،
[231]
في العملية اللي حصلت دي.
[233]
وأنا كنت شرحت حاجة زي كدا قبل كدا،
[234]
بس أنت لو بتقول إن رمضان صبحي هو السبب في فوز الأهلي على الزمالك،
[238]
يبقى أنت محتاج تجيب ماتش، الأهلي يلاعب الزمالك برمضان صبحي،
[242]
ونعمل نفس الماتش، نفس كل حاجة: نفس الفرق، نفس اللعيبة، نفس التعليق.
[247]
وتشيل بس رمضان صبحي من دكة الأهلي.
[250]
وتشوف نتائج الماتش ده، ونتائج الماتش ده.
[252]
والله لو الأهلي كسب في الحالتين، يبقى رمضان صبحي مالهوش لازمة.
[255]
لو الأهلي خشر في الماتش اللي كان رمضان صبحي ماهواش موجود فيه، يبقى أنت تقدر تستنتج "نوعًا ما"، إن رمضان ممكن يكون ليه سبب كبير جدًا في الفوز.
[263]
طبعًا لو الأهلي خسر في الحالتين يبقى ده ؟؟؟
[265]
المهم دي ال
[265]
Control Experiment.
[266]
بس للأسف في حاجات كبيرة جدًا، أحيانًا بتحصل في حياتنا،
[269]
مانعرفش إيه أسبابها،
[270]
مانقدرش نعيدها تاني، عشان نتأكد إن سبب معين هو السبب.
[273]
فمثلًا ثورة مثلًا حصلت في فترة من الفترات.
[275]
هل أقدر أعيد الثورة تاني، وأشوف
[277]
وأغير عوامل، مفيش الكلام ده.
[279]
وعلشان كدا أغالبيتنا بنلجأ إن إحنا نشوف
[281]
correlation..
[281]
حاجتين حصلوا مع بعض، ونقول ده السبب.
[283]
بس أنت قلت الحكاية دي خطيرة، وزي ما قلت،
[285]
في أسباب كتير جدًا ممكن تطلعها،
[287]
مايكونش ليها أي علاقة باللي أنت بتتكلم فيه.
[289]
أحد علماء الإحصاء نشر مقالة لطيفة جدًا،
[291]
كان جايب حاجات ليهم علاقة ببعض
[293]
يعني كل ما الحاجة تزيد الحاجة التانية تزيد.
[295]
عندك مثلًا، لقى إن في علاقة بين الصرف في الفضاء والإنتحار.
[298]
في علاقة ما بين عدد الناس اللي بتغرق في حمام السباحة،
[300]
وعدد الأفلام اللي بيظهر فيها الفنان نيكولاس كيج.
[302]
في علاقة ما بين إستهلاك الجبنة، وعدد الناس اللي بتموت من الكعبلة في السرير.
[306]
في علاقة ما بين الجبنة الموتزاريلا، وعدد شهادات الدكتوراة في الهندسة المدني.
[309]
في علاقة ما بين عدد الناس اللي بتغرق، ومعدلات الطلاق في ولاية كنتاكي.
[313]
ولو بصيت برضو هتلاقي إن في علاقة ما بين استيراد البترول من النرويج، وعدد الناس اللي بتموت في حوادث قطارات.
[318]
وأنا شخصيًا دخلت على الموقع وطلعت بالدراسة بتاعتي،
[320]
لقيت إن في علاقة ما بين استهلاك اللبن، ومعدلات الطلاق في ولاية ألاباما.
[324]
أظن إن كان واضح في الرسومات اللي فاتت إن الخطين كانوا ماشين مع بعض.
[326]
يعني الحوادث دي تقريبًا مرتبطة ببعض بشكل كبير.
[329]
وكان في علاقة غريبة ما بين أكل الأيس كريم وعدد الناس اللي بتغرق.
[332]
بس انت لو فكرت فيها، هو إحنا مش المفروض نروح نمنع الأيس كريم عشان الناس ما تغرقش.
[335]
هو غالبًا الكلام ده بيحصل في الصيف، أكل الأيس كريم، والغرقان بيحصل في الصيف. فعلشان كدا معدلات الأتنين بيعلوا مع بعض.
[341]
بس مافيش حاجة سبب التانية، ده
[342]
correlation
[343]
بس.
[343]
الملخص: مش معنى إن في حاجتين بيحصلوا مع بعض،
[346]
أو إن حاجة بتحصل قبل حاجة تانية،
[348]
إن هو "بالضرورة" بينهم علاقة سببية.
[351]
"بالضرورة"
[351]
قبل ما تقول إن في حاجة معينة سبب حاجة تانية، غالبًا بتستخدم حاجتين،
[355]
إما إنك تعمل التجربة بتاعتك، وتكنترول للعوامل التانية.
[358]
أو الطريقة التانية هو إنك تشوف حالات كتيرة جدًا جدًا، مشابهه لبعض، بس مختلفين في العامل اللي أنت بتحاول تدرسه.
[366]
طبعًا كل الحاجات دي مش بتجعلك متأكد 100% إن في حاجة معينة هي سبب حاجة تانية.
[371]
بس بتزود فرصة إن أنت تبقى صح.
[373]
أنت غالبًا مش هتعرف تعمل كدا، بس تأكد إن
[375]
في فرصة إن ممكن يكون عامل معين
[377]
مش هو السب، لأن ثلاث ترباع نظرية المؤامرة
[379]
مبنية على حاجة زي كدا.
[381]
الناس مثلًا اللي بتحلل حادثة معينة تقعد تقوللك،
[383]
"وأمريكا في نفس الوقت تبعت مش عارف إيه"،
[385]
"ومش عارف مين كلمني قبلها بيومين".
[387]
ما كل دي ممكن تكون correlations
[389]
حاجات بتحصل مع بعض بس، بس ملهاس علاقة.. سببية.. بتربطها.
[392]
بس كدا.
[393]
يعني خليك بس حذر شوية.
[394]
أنا مش عايز أقوللك على ديفيد هيوم، ديفيد هيوم أساسًا ماكنش مؤمن بحتة السببية دي خالص.
[398]
يعني مش مؤمن إن في حاجات إنك تقدر تستنتج علاقة سببية ما بين حاجة تانية.
[401]
مثله الأعلى سفسطة محمد هنيدي في بلية و دماغة العالية، لما كان بيسأل السؤال المحوري:
[406]
"ليه كل ما الكهربا تقطع النور بيقطع؟"
[409]
وأخيرًا وليس آخرًا، ما تنساش تشوف الحلقات اللي فاتت، و تعمل subscribe علشان تشوف الحلقات الجديدة.
[413]
شكرًا.
Most Recent Videos:
You can go back to the homepage right here: Homepage